Umhverfis- og öryggisstefna

Kjarnastarfsemi Nesskipa er eignarhald á flutningaskipum, umboðsþjónusta fyrir skip og skipamiðlun. Fyrirtækið lítur á það sem skyldu sína og hluta af daglegri starfsemi að tryggja öryggi starfsmanna sinna og annarra sem með eða á vegum fyrirtækisins starfa, hvort heldur er til sjós eða lands.

Nesskip ber takmarkalausa virðingu fyrir umhverfi því sem fyrirtækið og starfsmenn þess starfa innan, hvort heldur er um að ræða náttúru eða lífríki. Höfuðmarkmið fyrirtækisins í umhverfismálum er að fyrirtækið og starfsemi þess skaði ekki umhverfið.

Til að ná fram og uppfylla stefnu og markmið fyrirtækisins í umhverfis- og öryggismálum hefur Nesskip eftirfarandi að leiðarljósi:

• Skip Nesskipa hafa öll innleitt vottað öryggisstjórnunarkerfi í rekstri sínum samkvæmt hinum alþjóðlega ISM kóða.
• Starfsaðstaða starfsmanna og umhverfi starfsstöðvar er þannig úr garði gert að skapi jákvæða umhverfishugsun.
• Nesskip stuðlar að menntun, fræðslu og umræðu meðal starfsmanna sinna um umhverfis- og öryggismál eftir því sem við á.
• Í þjónustu sinni við skip sem umboðsaðili leitast starfsmenn fyrirtækisins við að uppfylla ýtrustu öryggiskröfur varðandi umgengni og sýnileika, s.s:
  • Akstur bifreiða innan hafnarsvæða fer ávallt fram með gátljós logandi.
  • Starfsmenn fara ávallt um hafnarsvæði klæddir sjálflýsandi fatnaði/vestum.
  • Eftir eðli starfsemi við skip hverju sinni klæðast starfsmenn Nesskipa búnaði, s.s. öryggishjálmum og öðrum öryggis- og hlífðarbúnaði.
• Að upplýsa og starfa með yfirvöldum verði um óhapp að ræða, hvort heldur varðar umhverfis- eða öryggismál.

Nesskip fer í hvívetna eftir þeim lögum og reglugerðum sem gerðar eru á Íslandi og í öðrum löndum til umhverfis- og öryggismála og hvetur alla til að gera slíkt hið sama.

Seltjarnarnesi, september 2007  

Garðar Jóhannsson, framkvæmdastjóri